Монгол Улсын хэмжээнд Булган, Төв, Дундговь зэрэг дөрвөн аймагт гахайн мялзан өвчин илэрч хурдацтайгаар тархаж байгаа тул энэ өвчний аюул хор хөнөөлөөс урьдчилан сэргийлэх зорилгоор МЭДЭЭЛЭЛ хүргэж байна. Тус өвчин илрэхдээ гахайн биеэр нь хөх өнгийн толбо гарах, өндөр халуурах зэрэг шинж тэмдэг анхлан илэрдэг ба гахайнаас гахайнд халдварладаг. Ингэхдээ хүн тээгч болж өвчнийг халдаах боломжтой байдаг байна. Баруун-Урт сумын хэмжээнд 34 гахай жилийн эцсийн тоогоор тоологдсон байна. Баруун-Урт суманд худалдаалагдаж буй гахайн мах, гахайн махан бүтээгдэхүүний гарал үүслийг шалгаж, гахайн өвчин гарч буй аймаг сумын нутгаар хөдөлгөөн хийхгүй байх, хүнсэнд хэрэглэх гахайн махан бүтээгдэхүүний гарал үүслийн шинжилгээний бичгийг үзэж баталгаажуулсны үндсэн дээр хэрэглэх, гахайн аж ахуй эрхлэгчид аж ахуйн эрүүл ахуйн дэглэмийг хангах, аж ахуйдаа гадны хөдөлгөөн хийсэн хүн, тээврийн хэрэгсэл нэвтрүүлэхгүй байх, гахайн шилжилт хөдөлгөөн хийхгүй байх тал дээр анхаарч өөрийн аж ахуйгаа эрсдэлд оруулахаас урьдчилан сэргийлэх арга хэмжээ авч ажиллах талаар мэдээлэл хүргэж ажиллана уу Мөн нийтийн хоол үйлдвэрлэгч нар гахайн махны гарал үүсэлд анхаарч бүтээгдэхүүн үйлдвэрлэлдээ баталгаатай гахайн мах хэрэглэхийг онцгойлон анхааруулж байна.
Өнөөдөр зочилсон : 290
Өчигдөр зочилсон : 
Энэ сард : 290
Энэ жил : 58549
Яг одоо : 7