Багуудын ИНХ үргэлжилж байна. Гурав болон есдүгээр баг хурлаа хийж, ИНХ-ын дарга, Засаг даргаа олонхын саналаараа сонгосон. 3 -р багийн хуралд 257 иргэн оролцсон бөгөөд хуулийн дагуу ирц хангалттай бүрдсэн. Энэ удаагийн багийн хурал нь Төрийн анхан шатны удирдлагаа сонгох хурал учраас хэлэлцэх асуудлыг 2 байхаар тогтсон байна. Эхний хэлэлцэх асуудал нь ИНХурлын дарга сонгох, 2-р асуудал нь багийн Засаг даргаа сонгохоор баталсан юм. Хуулийн шинэчилсэн найруулгаар багийн засаг даргыг намаас нэр дэвшүүлэхээр зохицуулагдсан бөгөөд Ардчилсан намаас Л.Отгонсүхийг нэр дэвшүүлсэн бол МАН-аас нэр дэвшүүлэхээс татгалзжээ. Иргэдийн нийтийн хурлын даргад Тасбүргэдийн Ихбаяр нэрээ дэвшүүлж хуралд оролцсон иргэдийн 100 хувийн саналаар сонгогдсон бол Засаг даргаар Л.Отгонсүх иргэдийн 97 хувийн дэмжлэгийг авч багийн Засаг даргаар сонгогдлоо. Харин 9-р багийн хуралд 233 иргэн оролцсон. Иргэдийн нийтийн хурлын даргад Аймгийн ИТХ-ын төлөөлөгчөөр сонгогдсон, тус багийн Засаг даргаар ажиллаж байгаа Галбадрахын Ган-Оюу нэрээ дэвшүүлж хуралд оролцсон иргэдийн 100 хувийн саналаар сонгогджээ. Мөн Т.Идэрбаярыг хуралд оролцсон иргэдийн 94.8 хувь нь дэмжиж багийн Засаг даргаар сонгоод байна.
Өнөөдөр зочилсон : 19
Өчигдөр зочилсон : 292
Энэ сард : 6532
Энэ жил : 23977
Яг одоо : 3