8 ДУГААР БАГИЙН ӨДӨРЛӨГ БОЛЛОО

Баруун-Урт сумын Засаг даргын Тамгын газраас Төрийн үйлчилгээг хөдөөгийн багийн иргэдэд хүрч үйлчлэх, хийж хэрэгжүүлж байгаа байгаа үйл ажиллагаагаа танилцуулах, мэдээлэл хүргэх зорилгоор “8-дугаар багийн өдөрлөг”-ийг Шаргын говь, Эрдэнэ-Ус, Рашаант, Ранжил 4 хэсэг хувааж 2024 оны 08 дугаар сарын 01, 02, 03, 04-ны өдрүүдэд зохион байгууллаа. Өдөрлөгт Баруун-Урт сумын Засаг дарга Ж.Жавхаатөгс, орлогч дарга Э.Хүрэлчулуун, Сүхбаатар аймгийн ИТХ-ын төлөөлөгч Э.Энхжаргал, Д.Гантөмөр, 8-р багийн засаг дарга Г.Мөнгөнбаяр, төрийн байгууллагын 20 гаруй албан хаагчид оролцлоо. Өдөрлөгийн нээж Баруун-Урт сумын Засаг дарга Ж.Жавхаатөгс Хөдөө аж ахуйн чиглэлээр хийж хэрэгжүүлсэн ажил, Цөөн малтай залуучуудыг малжуулах төсөлд хамруулах, ХАА-н цогцолбор, Малын үүлдэр, угсааг сайжруулах, Бэлчээрийн худаг, уст цэг, Малын өвс тэжээлийн агуулах саравч, Бэлчээрийн цэвэрлэгээ, ариутгал халдваргүйтгэлийн талаар цаг үеийн мэдээлэл танилцуулж, иргэдийн өргөдөл, гомдлыг нээлттэй сонсож хамтарч ажиллаа.

Өдөрлөгөөр төрийн байгууллагуудын үйлчилгээ:

Аймгийн нэгдсэн эмнэлэг: Мэдрэл, дотор хэвлийн эхо эмчийн үзлэг, зөвлөгөө, цусны ерөнхий шинжилгээ, биохими, Хепатитийн В,С верусийн шинжилгээ үнэ төлбөргүй хийлээ

Мал эмнэлгийн газар: малын тарилга, туулга

Хүүхэд, гэр бүл хөгжлийн газар: Гэр бүлийн хүчирхийлэлтэй тэмцэх тухай хууль, Хүүхдийн эрхийн тухай хууль, Хүүхэд хамгааллын тухай хууль, зэрэг мэдээ мэдээллийг иргэдэд хүргэв.

Сүхбаатар аймгийн Татварын хэлтэс: Малчдад татварын тухай ойлголт болон малын тоо толгойн албан татвар болон бусад татварыг тухай олголтыг өгч ажилласан

Нийтийн номын сан: Аймгийн төвөөс алслагдмал амьдарч буй иргэдэд номын ач холбогдол номын танилцуулга хийсэн.

Нийгмийн даатгал: Нийгмийн даатгалын тухай шинэчилсэн найруулгын багц хууль болох малчин, өндөр настан, тэтгэврийн нэмэгдэл, Эрүүл мэндийн даатгалын шимтгэл төлөлтийг хэрхэн төлөх заавар, зөвлөмж, сайн дурын болон малчны даатгалын ач холбогдол /0-3 настай хүүхэдтэй эхийн /Жирэмсэн, амаржсан, хөдөлмөрийн чадвар алдалтын тэтгэмж, Насанд хүрээгүй хүүхдийн хөдөлмөр эрхлэлт, Хүүхдийн эрх, Албан татвар,татварын хөнгөлөлт чөлөөлөлт, төлбөр хураамж зэрэг хуулийн танилцуулга болон мэдээ мэдээллийг хүргэсэн

Малчдын оролцоо идэвхийг нэмэгдүүлэх зорилгоор өдөрлөгийн хүрээнд: Монгол бөхийн барилдаан, Олс таталт, АХА тэмцээн, үдшийн цэнгүүнийг зохион байгуулсан.