Баруун-Урт сумын Засаг даргын 2023 оны 7 дугаар сарын 25-ны өдрийн А/219 дугаар захирамжийг үндэслэн дор дурдсан байршилд газар эзэмших, ашиглах эрхийн дуудлага худалдааг цахим хэлбэрээр зохион байгуулахаар зарлаж байна.
Баруун-Урт сумын 8-р багийн нутаг Хайлааст үүдэн Холбоо трансс ХХК зүүн талд Үйлдвэрлэлийн барилга байгууламж, бусад газрын зориулалтаар 10045 м² газрыг худалдана. /Дуудлага худалдааны анхны үнэ 28125000, дэнчингийн хэмжээ 2812600 төгрөг, эзэмших хугацаа 15 жил/
1. Оролцогч нь ГХБХБГ-т хүрэлцэн ирж хүсэлт бөглөх бөгөөд хүсэлтэд иргэний үнэмлэх, эсхүл түүнтэй адилтгах бичиг баримт, улсын бүртгэлийн гэрчилгээний хуулбарыг хавсаргана.
2. Улсын тэмдэгтийн хураамж 12500 төгрөгийг аймгийн төрийн сангийн 100120000941, дэнчин 2812600 төгрөгийг 100120000967 тоот дансанд тус тус тушаана.
3. Дуудлага худалдаанд оролцогчдыг 2023 оны 10 дугаар сарын 23-ны өдрийн 09 цаг 00 минутаас эхлэн 10 дугаар сарын 27-ний өдрийн 15 цаг 00 минут хүртэл зөвхөн ажлын цагаар бүртгэнэ.
4. Дуудлага худалдаа газрын биржийн цахим систем /mle.mn/-ээр зохион байгуулагдах ба үнийн саналыг 2023 оны 10 дүгээр сарын 30-ны өдрийн 09 цаг 00 минутад авч эхлэх бөгөөд тухайн өдрийн 15 цаг 00 минут 00 секундээс эхлэн 60 секундын хүлээлтийн горимд шилжиж, хүлээлтийн хугацаанд хамгийн өндөр үнэ санал илгээсэн оролцогч ялагч болно.
Жич: Дуудлага худалдаанд оролцохыг хүссэн иргэд, аж ахуйн нэгжүүд газрын биржийн цахим систем /mle.mn/-д заавал бүртгүүлэх шаардлагатай.
Өнөөдөр зочилсон : 125
Өчигдөр зочилсон : 299
Энэ сард : 3705
Энэ жил : 35855
Яг одоо : 1