Багийн ИНХурал үргэлжилж байна

Баруун –Урт сумын 5-р багийн Иргэдийн Нийтийн хурал боллоо. Хуралд 203 иргэн оролцсон бөгөөд хурлын дэг, хэлэлцэх асуудлыг баталснаар хурал эхэлсэн. Тус хуралд Баруун-Урт сумын Засаг дарга Ж.Жавхаатөгс оролцож 2020 онд ОНХС-гийн хөрөнгө оруулалтаар хийгдсэн ажлууд болон 2021 онд Орон нутгийн хөгжлийн сангийн хөрөнгө оруулалтаар хийгдэх ажлуудын талаар мэдээлэл хүргэлээ.

Хэлэлцэх асуудлын дарааллын дагуу ИНХурлын дарга, багийн Засаг даргад нэр дэвшүүлэх үйл ажиллагаа явагдаж багийн ИНХ даргад Х. Баатарсүх , багийн Засаг даргад Б.Мөнхнаран нарын нэрийг дэвшүүлсэн юм.

Нэр дэвшигчдийн тооноос хамааран санал хураалтыг илээр эсхүл нууцаар явуулахаар хурлын дэгд заасан бөгөөд илээр санал хураалт явуулж ИНХ-ын даргад Х.Баатарсүх тэргүүлэгчдээр Н.Төмөрсүх , Ч.Ариунболд, Б.Баярмаа. Ц.Алтантүлхүүр нар сонгогдсон . Мөн Багийн Засаг даргаар Б.Мөнхнаран сонгогдож, үргэлжлүүлэн ажиллахаар боллоо.