БАРУУН-УРТ СУМЫН ИТХ, ЗДТГ-ААС АХМАДУУДДАА ХҮНДЭТГЭЛ ҮЗҮҮЛЛЭЭ

Баруун-Урт сумын ИТХ, ЗДТГ-аас сар шинийн босгон дээр үе үеийн ахмадуудаа урин авчирч хүндэтгэл үзүүллээ. Энэ үеэр байгууллагын нэгдсэн битүүлгийг ч зохион байгуулсан юм. Жил бүр ийнхүү ахмад одоо үеийн төлөөллүүд уулзаж өөрсдийн арга туршлага, мэдлэг чадвараа хэлэлцдэг. Одоо ажиллаж байгаа ажилчид багт хуваагдан мэндчилгээ болон үндэсний өв уламжлалыг хадгалсан тоглоом наадгайгаар тоглож, оньсого таавар таалцаж нэгэн үдшийг хамт өнгөрүүллээ. Сумын удирдлагууд ахмадуудад хүндэтгэл үзүүлж гарын бэлэг гардуулснаар үйл ажиллагаа өндөрлөсөн юм.