БАРУУН-УРТ СУМЫ 6 ДУГААР БАГ
Газар нутгийн байршил: 6-р баг нь Баруун-Урт сумын зүүн хойд хэсэгт байрлалтай баруун талаараа 4-р баг, урд талдаа 5-р баг, зүүн урд талдаа 9-р багтай хил залгаа оршдог. Гэр хорооллын өрхүүд ихэвчлэн амьдардаг. Багийн нутаг дэвсгэрт Даймонд 140 айлын орон сууцны хотхонтой. Хөх баарай Эмийн сан, Лили Зочид буудал, 999 Хүнсний дэлгүүр, Хонгороогийн зоог Түргэн хоол, Мандала Хүнсний дэлгүүр, Их зам Хүнсний дэлгүүр, Баясах Хүнсний дэлгүүр, зэрэг 7 аж ахуйн нэгж, хүнсний дэлгүүрүүд үйл ажиллагаа явуулж байна.
Өрх, хүн ам: 2024 оны жилийн эцсийн байдлаар 627 өрх, 1996 хүн амтай. 2023 оны жилийн эцсийн мал тооллогоор 89 өрхийн 14,888 толгой мал тоологдсон. Үүнээс адуу-2160, үхэр-1741, тэмээ-11, хонь-7089, ямаа-3887 байна.
Багийн Иргэдийн Нийтийн Хурлын бүрэлдэхүүн: 6-р багийн ИНХурал нь 2022 оноос 5 хүний бүрэлдэхүүнтэй, ИНХурлын даргаар С.Уртнасан ажиллаж байна.
Багийн Засаг дарга, түүний ажлын алба: Засаг дарга Отгонборын Нямцэцэг нь 1990 онд Сүхбаатар аймгийн Баруун-Урт хотод төрсөн. Ам бүл 5 нөхөр 3 хүүхдийн хамт амьдардаг. Мэдээллийн системийн менежмент мэргэжилтэй. 6-р багийн засаг даргаар 2021 онд сонгогдон 4 дахь жилдээ ажиллаж байна. Багийн зохион байгуулагч Гэрэлээ Март 1986 онд Сүхбаатар аймгийн Баруун-Урт суманд төрсөн. Ам бүл 6 нөхөр 4 хүүхдийн хамт амьдардаг. Бизнесийн удирдлага мэргэжилтэй. 2021 оны 5 дугаар сараас эхлэн тухайн албан тушаалд ажиллаж байна.