‘8+1 МЭДЭЭЛЭЛ ТЕХНОЛОГИ ТАНЫ АМЬДРАЛД’ эвент

“8+1 МЭДЭЭЛЭЛ ТЕХНОЛОГИ ТАНЫ АМЬДРАЛД’ эвент амжилттай болж өндөрлөлөө. Мэдээлэл технологийн дэвшил өдрөөс өдөрт хурдацтай хөгжиж байгаа өнөө үед Сүхбаатар аймгийн Баруун-Урт суманд ажиллаж амьдарч байгаа мэдээлэл технологийн чиглэлээр мэргэшин ажиллаж буй залуус нэгдэж Баруун-Урт сумын Засаг даргын тамгын газартай хамтран 2018,11,24-нд амжилттай зохион байгууллаа.

Уг арга хэмжээ нь мэдээлэл технологийн чиглэлээр олон төрлийн мэдлэг нэг дороос авах боломжийг олгосон ба “Харилцаа холбооны өнөөгийн байдал” сэдвээр МХС ТӨК-ны Сүлжээнийн инженер С.Өнөрхүү, “Компьютерийн үйлдлийн систем ба вирусны талаарх ойлголт” сэдвээр IT Т.Чинбаяр, “Байгууллагын дотоод сүлжээ ба түүнд тохиолддог асуудлууд” сэдвээр ХНХГ-ын мэргэжилтэн, “Үйлдлийн системийн задаргаа ба хамгаалалт” сэдвээр Төрийн банкны IT Б.Ганбат, “Microsoft excel” сэдвээр Гялс төгрөг ХЗХ-ны мэргэжилтэн Т.Амгаланбаатар, “Google-ийн хэрэглээ” сэдвээр БСУГ-ын мэргэжилтэн А.Алтаншагай, “Photoshop” сэдвээр 4-р БДС-ийн Сургалтын менежер Б.Лхагвасүрэн, “Цахим мөнгө финтек” сэдвээр Монгол банкны мэргэжилтэн А.Хүрэлтогоо нар сонирхолтой илтгэл хэлэлцүүллээ.
Мөн Жаахан шарга театрын Техникч С.Сэнгээ, Улсын бүртгэлийн газрын мэргэжилтэн А.Одбаяр, Нийтлэг үйлчилгээ ОНӨҮГ-ын IT Э.Ихмонгол нар зохион байгуулалтын багт үүрэг гүйцэтгэж ажиллаа

Оролцогчдод 8 чиглэлээр залуус сонирхолтой мэдээлэл өгсөн ба сонирхсон асуултаа тухай бүр нь асууж тодруулсан мэдлэг мэдээллээр давалгаалсан сайхан үйл ажиллагаа боллоо.

Баруун-Урт сумын ЗДТГ-ын алба хаагчид, аймгийн Статистикийн хэлтсийн алба хаагчид, МХС ТӨК-ийн алба хаагчид, сургууль, цэцэрлэгийн алба хаагчид, банк, санхүүгийн байгууллагын алба хаагчид нягтлан бодогчид зэрэг салбар бүрийн төлөөллүүд оролцож амралтын өдрийг мэдлэг мэдээлллээ нэмэгдүүлж бас бусадтай хуваалцаж үр дүнтэй өнгөрүүллээ.

8+1 буюу 8 илтгэгчийн мэдээлэл дээр +1 зочноор Сүхбаатар аймгийн Хаан банк хамтран ажиллаж Цахим банкны үйлчилгээний талаар танилцууллаа.

Санал болгох мэдээ

МАЛ ТООЛЛОГО ОРОН ДАЯАР ЭХЭЛЛЭЭ

Улсын хэмжээнд жилийн эцсийн мал тооллого орон даяар өнөөдөр эхэлж байна. Энэ жилийн тооллого гурван …

Leave a Reply

Your email address will not be published. Required fields are marked *